BÁRÐUR JÁKUPSSON – listakafé og framsýning
19. november, 19:00 - 21:00

Norðoya Listafelag bjóðar til eina hugnaliga listakafé í Varpinum, har vit fáa vitjan av einum av okkara fremstu listamonnum, Bárði Jákupssyni.
Í sambandi við nýggju listabókina LENDIÐ, sum lýsir listina hjá Bárði og týdning hansara fyri føroyska list og mentan, fáa vit høvi at hoyra Bárð sjálvan greiða frá drúgva virksemi sínum innan føroyska list.
Bókin er samskipað av Kinnu Poulsen, og níggju listafólk, listfrøðingar og ummælarar hava skrivað um Bárð og hansara listarliga virksemi.
Hetta verður eitt serligt høvi at síggja útvalda list hjá listamanninum, umframt at hoyra Bárð sjálvan greiða frá og fáa eina nærri fatan av manninum og listamanninum handan verkini.
Vit gleða okkum til eina hugnaliga løtu við list, práti og einum góðum kaffimunni. Kaféin hevur opið.
Møguleiki verður eisini at keypa bókina LENDIÐ hetta kvøldið. Tað er ókeypis atgongd, og øll eru hjartaliga vælkomin!