Bókaframløga og framsýning

Norðoyastevnan byrjar við spennandi bókaframløga og framsýning í Varpinum.

Paulina Eliasen gevur í næstum út nýggja bók, sum eitur ”Brodering til tann føroyska tjóðbúnan 3”.

Í bókini eru 10 nýggj vestamynstur, sum eru gjørd eftir myndum, ið eru av blómum, sum vaksa í hagapartinum á Stóraryggi á Syðradali. Tríggir av vestunum eru gjørdir uppá tveir ymiskar mátar.

Í hesum sambandi verður eisini ein forvtnislig framsýning í Varpinum, har 13 ymisk vestastykki verða at síggja. Og hosubond, sum hoyra til vestarnar.

Á útgávutiltakinum 30.mai kl. 19.30 fer Paulina at greiða frá listahandverkinum at brodera, og frá spennandi tilgongdini í samband við bókaverkið.

Jóhanna Christiansen, forkvinna í Mentanarnevndini, og Jóhanna á Tjaldrafløtti, stjóri á Húsarhaldsskúlanum, siga nøkur orð.

Og Klaksvíkar Manskór syngur nakrar sangir.

Ein drekkamunnur verður at fáa.

Vælkomin í Varpið.

Umframt hóskvøldið 30.mai, tá bókaframløgan verður kl.19,30, er framsýningin opin hinar dagaranar soleiðis:

Fríggjadag 31.mai: 15 -18

Leygardag 1.juni: kl. 15 -18

Sunnudag 2.juni: kl.15 – 18.