HARALDSEN diskar alla nátt

Í samband við Kvinnukvøldið, fáa vit vitjan av HARALDSEN, sum er ein tann mest spennandi og mest eftirspurdi DJ í Føroyum í løtuni.

Handan HARALDSEN er Beinta Haraldsen, sum spælir tónleik úr nógvum ymiskum sjangrum, sum tilsamans skapa eitt ljóðlandslag, sum er bæði nostalgiskt og nútímans. HARALDSEN er eisini kend fyri at lata nógvar kendar føroyskar sangir í ein heilt nýggjan ham.

HARALDSEN hevur diskað til eina ørgrynnu av tiltøkum kring landið og hon endaði Summar Festivalin 2025 við einari dansiveitslu í fullsettum tjaldi. Nú fer hon at diska til kvinnutiltakið í Varpinum

Foyerin letur upp kl. 23, og tað er ókeypis atgongd.