Heiðurskonsert fyri Alex Sólstein

Í samband við 95-ára føðingardagin hjá Alexi Sólstein fer klaverleikarin Jóhannes Andreasen at spæla eina heiðurskonsert í Varpinum.

Á skránni er vakur klavertónleikur eftir tvey av yndistónaskøldunum hjá Alexi, nevniliga Mozart og Schubert.

Heiðurskonsertin í Varpinum verður sunnudagin 5. okt. kl.16.

Tiltakið er alment og ókeypis, og neyðugt er ikki at bíleggja pláss í salinum.

Ein drekkamunnur verður at fáa eftir konsertina.