Heimskendir klassiskir tónleikarar vitja Varpið 🎻

Leygarkvøldið 17.mai kl.19.30 verður ein serstøk og sjáldsom konsertuppliving í Varpinum.

Saman við heimskendu tónleikarunum: Dimitri Illarionov á guitar, Sergey Malov á violin, Anna Koshkina og Boris Andrianov á cello og okkara egni dugnaligi klaverleikari Jóhannes Andreasen, fara at framføra eina flotta konsertskrá.

Hetta verður eitt bland av altjóða kendum klassiskum tónleiki, eitt nú eftir Bach, Schubert, Couperin o.o, og eisini crossover tónleiki, har tann klassiski tónleikurin møtir improvisatíon og frælsi. Hesir fimm tónleikarirnir í verkætlanini koma saman, bert til hesa einu konsertina í Varpinum.