Tónleikur og list í Varpinum

Fríggjadagin 7. Juni, kl. 16.30, fer “Eysturoyar Strúkitrio” at framføra vakran tónleik í Varpinum.

Konsertin verður í forsalinum, har listakvinnan Lydia Petersen í hesum døgum sýnir fram sínar litríku og lívsglaðu myndir.

Tey sum framføra eru Monika Stauss Joensen, violin, Jona Højgaard, viola og Tóri Restorff Jacobsen, cello. Hesi eru kend andlit í tí klassiska tónleikalívinum í Føroyum, og tey hava hvør í sínum lagi framført í ymiskum samansetingum, bæði her heima og uttanlands.

Øll eru hjartaliga vælkomin í Varpið fríggjadagin, 7. juni kl 16.30, til hesa hugnaligu løtu, við vøkrum tónleiki og vakrari list.

Tiltakið er alment og ókeypis.